Праект абноўленай Канстытуцыі Беларусі зараз ёсць у аўдыёзапісе

Гэта зроблена для таго, каб як мага больш грамадзян змаглі ўзяць удзел у абмеркаванні праекта.

Праект абноўленай Канстытуцыі Беларусі зараз ёсць у аўдыёверсіі, паведамляе БЕЛТА.

Для таго, каб як мага больш грамадзян Беларусі маглі пазнаёміцца з праектам абноўленай Канстытуцыі, было прынята рашэнне зрабіць яго аўдыёверсію. Такі крок дазволіць беларусам, якія слаба бачаць, прыняць актыўны ўдзел у абмеркаванні Асноўнага закона краіны.

Над праектам аўдыёзапісу працавала каманда Першага нацыянальнага канала Беларускага радыё. Каб прачытаць усе 49 старонак тэксту, вядучым Паўлу Лазавіку і Надзеі Лысенка спатрэбілася 2 гадзіны. У праекце - 148 артыкулаў. Усе змены пачынаюцца з прэамбулы.

Азнаёміцца з аўдыяварыянтам праекта абноўленай Канстытуцыі Беларусі можна на сайтах Прэзідэнта Беларусі і інфармацыйнага агенцтва БЕЛТА.