«Беларусбанк» папярэджвае аб правядзенні тэхнічных работ ноччу 11 студзеня

Некаторыя сэрвісы «Беларусбанка» не будуць даступныя ў прамежку з 03:20 да 06:00 11 студзеня з-за правядзення тэхнічных работ, паведамілі карэспандэнту агенцтва «Мінск-Навіны» ў прэс-службе фінансавай установы.

Кароткатэрміновыя перапынкі магчымыя ў абслугоўванні трымальнікаў плацежных картак банка, у тым ліку пры выкарыстанні мабільных плацежных сэрвісаў, такіх як Apple Pay, Samsung Pay, Fitbit Pay, Garmin Pay, Кашалёк Pay, Xiaomi Pay. Гэта таксама тычыцца каналаў дыстанцыйнага банкаўскага абслугоўвання (Інтэрнэт-банкінг, М-Банкінг, SMS-банкінг), сетак арганізацый гандлю, пунктаў выдачы наяўных і прылад самаабслугоўвання, якія абслугоўваюцца банкам.

«Беларусбанк» прыносіць прабачэнні за магчымыя нязручнасці.