ГрДу ім.Я. Купалы правядзе алімпіяду, вынікі якой будуць залічаны як уступныя

"У ГрДу ім. Я. Купалы ўпершыню пройдзе ўніверсітэцкая алімпіяда, пераможцы і прызёры якой у 2023 годзе змогуць паступіць ва ўніверсітэт без уступных выпрабаванняў. Прадугледжаны два этапы. Першы завочны стартуе 21 лістапада і працягнецца па 16 снежня. У лютым адбудзецца вочны (заключны) этап, які вызначыць лепшых з лепшых", - распавялі ва ўніверсітэце.

Рэгістрацыя на алімпіяду будзе адкрыта ўжо 10 лістапада. Яе ўдзельнікамі могуць стаць толькі вучні 11-х класаў. Па выніках двух тураў спаборніцтвы вызначацца дыпламанты I, II, III ступені. Менавіта яны змогуць скарыстацца магчымасцю стаць студэнтам Купалаўскага ўніверсітэта без уступных выпрабаванняў. Такім чынам паступіць можна будзе на 17 з 54 спецыяльнасцяў.

Універсітэцкая алімпіяда ўключае ў сябе профільныя алімпіяды па 6 вучэбных прадметах: біялогія, гісторыя Беларусі, руская мова і літаратура, Беларуская мова і літаратура, матэматыка і фізіка.

Падрабязная інфармацыя аб алімпіядзе размешчана на сайце abit.by у раздзеле "Шматпрофільная алімпіяда ГрДу ім. Янкі Купалы". Парадак правядзення ўніверсітэцкіх алімпіяд, пералік ВНУ і спецыяльнасцяў для залічэння без уступных выпрабаванняў вызначаны пастановай Міністэрства адукацыі №264 ад 12.08.2022 года.

БЕЛТА