Рэспубліканскі конкурс на лепшы дзіцячы малюнак на экалагічную тэматыку стартаваў у Беларусі, паведамілі БЕЛТА ў прэс-службе Міністэрства прыродных рэсурсаў і аховы навакольнага асяроддзя, якое выступае арганізатарам.
Творчае спаборніцтва праводзіцца ў дзвюх узроставых групах - ад 3 да 5 гадоў і ад 6 да 10 гадоў. Кожная работа павінна суправаджацца інфармацыйным лістом удзельніка. У ім пазначаюцца ўстанова адукацыі, прозвішча, імя і ўзрост аўтара, паштовы адрас і кантактны тэлефон. Работы прадстаўляюцца ў каляровым варыянце на лістах фарматам ад А4 да А1.
Конкурс праходзіць па 1 мая ў тры этапы. На першым (па 1 сакавіка) вызначаюцца лепшыя работы на раённым і гарадскім узроўнях. С 2 сакавіка па 1 красавіка выберуць лепшыя малюнкі на абласным узроўні. Вынікі конкурсу ў цэлым падвядуць 2 красавіка - 1 мая. У кожнай узроставай групе вызначаць тройку пераможцаў.
"Узнагароджванне пераможцаў першага этапу конкурсу праводзяць раённыя, гарадскія, гарадскія і раённыя, Мінскі гарадскі арганізацыйныя камітэты, другога - абласныя арганізацыйныя камітэты, трэцяга - рэспубліканскі арганізацыйны камітэт", - растлумачылі ў Мінпрыроды.