Банк развіцця ў студзені - верасні 2020 года прафінансаваў 919 праектаў малога і сярэдняга бізнесу, паведамілі БЕЛТА ў прэс-службе банка.
За 9 месяцаў заключаны крэдытныя дагаворы і дагаворы лізінгу на Br182,1 млн. Агульны кошт праектаў, прафінансаваных за кошт рэсурсаў Банка развіцця, склаў Br333,4 млн.
Найбольшую ўдзельную вагу ў агульным партфелі падтрымкі суб'ектаў МСП займаюць праекты, звязаныя з вытворчай дзейнасцю (вытворчасць святлотэхнічнай прадукцыі, аконных і дзвярных блокаў, драўляных будаўнічых канструкцый, кансерваванай прадукцыі) - 36,5 працэнта, дзейнасцю ў галіне транспарту (пасажырскія і грузаперавозкі) - 21 працэнт, сферай паслуг - 11 працэнтаў.
Зыходзячы з колькасці прафінансаваных праектаў, сегмент кліентаў на 69 працэнтаў складаецца з мікрабізнесу і індывідуальных прадпрымальнікаў.
Лідзіруючую пазіцыю па колькасці праектаў займаюць Гродзенская, Брэсцкая і Віцебская вобласці.
Паводле даных на 1 кастрычніка, усяго з пачатку дзеяння праграмы (жнівень 2014 года) прафінансавана 4767 праектаў, агульны аб'ём заключаных крэдытных дагавораў і дагавораў фінансавай арэнды (лізінгу) склаў Br754 млн у эквіваленце. Агульны кошт праектаў, прафінансаваных за кошт рэсурсаў Банка развіцця, склаў каля Br1303,6 млн у эквіваленце.-0-