9 лістапада ў Мінску адбылася цырымонія ўзнагароджання па выніках рэспубліканскага конкурсу на суісканне прэміі па энергаэфектыўнасці і рэсурсазберажэнню «Лідар энергаэфектыўнасці-2022». У гэтым годзе было пададзена рэкордная колькасць заявак за гісторыю конкурсу. Найбольш запатрабаванымі сталі намінацыі, якія тычацца энергаэфектыўных тэхналогій, лічбавай трансфармацыі, аўтаматызацыі, разумных тэхналогій, энергаэфектыўных матэрыялаў і прадуктаў. Упершыню на конкурсе была ўведзена намінацыя для выяўлення лідараў па галінах эканомікі. Арганізатары конкурсу зрабілі асаблівы ўпор на такія крытэрыі, як эканамічная эфектыўнасць прымаемых рашэнняў, цыфравізацыі, запатрабаванасць гэтых рашэнняў з боку спажыўца і магчымасць маштабавання, пераносу вопыту ад аднаго прадпрыемства галіны на іншыя.
Навагрудскі завод газавай апаратуры прадставіў на конкурс тэхналогію вытворчасці дэталяў на шматкаардынатнай апрацоўчай трансфернай устаноўцы, якая стала пераможцам у намінацыі «Лідары энергаэфектыўнасці ў прамысловасці. Прадпрыемства года». Дыплом пераможцы ўручаны дырэктару ААТ «Навагрудскі завод газавай апаратуры» Ігару Капціловічу.
Алена Пятрова, «НЖ»