Уступаючым ў шлюб

Аддзел загса Навагрудскага раённага выканаўчага камітэта  праводзіць рэгістрацыю заключэння шлюбу ў тэрмін, узгоднены асобамі, якія ўступаюць у шлюб, але не раней чым праз тры дні і не пазней чым праз тры месяцы з дня звароту.

         Па жаданні грамадзян у аддзеле загса прадугледжана магчымасць урачыстай рэгістрацыі заключэння шлюбу па нядзельных днях, а таксама выязныя рэгістрацыі шлюбу.

У адпаведнасці з п.29¹  Палажэння аб парадку рэгістрацыі актаў грамадзянскага стану і выдачы дакументаў і (або) даведак органамі, якія рэгіструюць акты грамадзянскага стану, зацверджанага пастановай Савета Міністраў Рэспублікі Беларусь 14.12.2005 №1454 «Аб парадку арганізацыі работы з грамадзянамі ў органах, якія рэгіструюць акты грамадзянскага стану, па выдачы даведак або іншых дакументаў, якія ўтрымліваюць пацвярджэнне фактаў, якія маюць юрыдычнае значэнне» (далей – Палажэнне), рэгістрацыя заключэння шлюбу праводзіцца за межамі памяшкання органа загса ў граніцах устаноўленага рэжыму рабочага часу органа загса ў выпадках, калі выезд работніка не перашкаджае дзейнасці органа загса, у тым ліку па забеспячэнні ўрачыстай абстаноўкі рэгістрацыі заключэння шлюбу ў памяшканні органа загса. Рэгістрацыя заключэння шлюбу за межамі памяшкання аддзела загса ў Рэспубліцы Беларусь можа праводзіцца ў памяшканнях устаноў культуры, памяшканнях, размешчаных у гістарычных і памятных месцах, помніках архітэктуры, мастацтва або гісторыі, архітэктурных ансамблях і другіх. Рашэннем Навагрудскага раённага выканаўчага камітэта вызначана, што такім месцам з'яўляецца ўстанова культуры «Гаспадарка (ДОМ)-музей Адама Міцкевіча» у горадзе Навагрудку. Рэгістрацыя заключэння шлюбу таксама можа праводзіцца ў памяшканнях, вызначаных дагаворамі на аказанне паслугі па выездзе для рэгістрацыі заключэння шлюбу да месца правядзення ўрачыстасці.

Вядзецца папярэдні запіс грамадзян на ўрачыстую рэгістрацыю шлюбу па тэл. 42772, 41328 або пры асабістым наведванні ў каб.№4.

       Па пытаннях рэгістрацыі заключэння шлюбу, у тым ліку для атрымання інфармацыі аб колькасці прынятых заяў аб рэгістрацыі заключэння шлюбу ва ўрачыстай абстаноўцы на канкрэтныя даты,  трэба звяртацца да кіраўніка аддзела загса  (каб. № 4).