Галоўная / Грамадства / Маладзёжная палітыка

Маладзёжная палітыка

Рэалізацыя дзяржаўнай маладзёжнай палітыкі ў раёне ажыццяўляецца ў адпаведнасці з Канстытуцыяй Рэспублікі Беларусь, Законам Рэспублікі Беларусь ад 7 снежня 2009 г. № 65-3 «Аб асновах дзяржаўнай моладзёжнай палітыкі», іншымі заканадаўчымі актамі, якія рэгламентуюць работу з моладдзю.

У раёне (па стане на 2018/01/01 г.) пражываў 8 671 малады чалавек (ва ўзросце ад 14 - да 31 года) або 19,3% ад агульнай колькасці ўсяго насельніцтва раёна. У тым ліку: г. Навагрудак - 6 940 чалавек, сельская моладзь - 1 565 чалавек, г.п. Любча - 166 чалавек.

У Навагрудскім раёне функцыянуюць 3 маладзёжныя грамадскія аб'яднанні: раённы камітэт грамадскага аб'яднання "Беларускі рэспубліканскі саюз моладзі» (першы сакратар - Шнігір Вольга Паўлаўна), які аб'ядноўвае 2583 маладых людзей у 68 пярвічных арганізацыях; раённы савет грамадскага аб'яднання «Беларуская рэспубліканская піянерская арганізацыя» (кіраўнік - Сазановіч Таццяна Віктараўна, Цэнтр творчасці дзяцей і моладзі), які аб'ядноўвае 2881 піянер у 17 дружынах; раённы савет грамадскага аб'яднання «Беларуская маладзёжная грамадская арганізацыя выратавальнікаў - пажарных», у склад якога ўваходзяць 2872 члена ў 17 пярвічных арганізацыях.

Развіваецца маладзёжнае самакіраванне. Пры Навагрудскім раённым Савеце дэпутатаў створаны і працуе маладзёжны парламент (31 чалавек). Старшыня - Аполоник Данііл (гімназія №1).

У раёне дзейнічаюць валанцёрскія і цімураўскія атрады (668 чалавек); 17 атрадаў юных інспектараў дарожнага руху (209 чалавек); 18 атрадаў юных выратавальнікаў-пажарных (236 чалавек); інтэлектуальны клуб «Наваградскія Волаты» (108 чалавек).

Раён удзельнічае ў міжнароднай ініцыятыве “Горад дружалюбны дзецям”  у Рэспубліцы Беларусь пры падтрымцы прадстаўніцтва дзіцячага фонду ААН «ЮНІСЕФ».

1 верасня 2017 года г. Навагрудку прысвоена ганаровае званне «Горад Навагрудак - горад, дружалюбны дзецям».
Нязменным прыярытэтам дзяржаўнай маладзёжнай палітыкі з'яўляецца сацыяльная падтрымка навучэнскай і студэнцкай моладзі. Стыпендыі ў памеры 1 базавай велічыні па выніках чвэрці атрымліваюць навучэнцы, якія маюць сярэдні бал 9-10.

Адораным дзецям па выніках раённых алімпіяд ўручаецца прэмія ад раённай арганізацыі рэспубліканскага грамадскага аб'яднання «Белая Русь».

На тэрыторыі Навагрудскага раёна паспяхова працуюць установы адукацыі, якія забяспечваюць атрыманне сярэдняй спецыяльнай і прафесійна - тэхнічнай адукацыі: філіял установы адукацыі "Беларускі дзяржаўны эканамічны універсітэт" "Навагрудскі гандлёва-эканамічны каледж"; "Навагрудскі дзяржаўны аграрны каледж"; "Навагрудскі дзяржаўны сельскагаспадарчы прафесійны ліцэй".

У раёне робіцца ўсё магчымае для арганізацыі побыту і вольнага часу маладых спецыялістаў: у 2014 годзе адкрыты інтэрнат для маладых спецыялістаў; прадугледжаны месцы для маладых спецыялістаў у інтэрнатах прамысловых прадпрыемстваў. Для маладых спецыялістаў аграрнага сектара прадастаўляецца жыллё, яны забяспечваюцца палівам. На сяле працягваецца будаўніцтва жылля.

Асаблівая ўвага надаецца індывідуальнай рабоце з падлеткамі, якія стаяць на ўліку ў ІСН Навагрудскага РАУС, унутрышкольных уліках, падлеткамі з сем'яў, якія знаходзяцца ў сацыяльна небяспечным становішчы. Да работы прыцягваюцца дзеці з пазітыўнымі жыццёвымі ўстаноўкамі. Станоўчае ўздзеянне маюць спартыўныя, інфармацыйна-адукацыйныя мерапрыемствы, у якіх падлеткі ўдзельнічаюць, самастойна распрацоўваюць і афармляюць матэрыялы і выставы па прапагандзе здаровага ладу жыцця.

Актыўна развіваецца студэнцкае самакіраванне. У ССНУ створаны саветы інтэрнатаў, вучнёўскія прафкамы, парады старастаў, працуюць маладзёжныя атрады аховы правапарадку (МААП, пры РК ГА «БРСМ» створаны раённы моладзёжны атрад аховы правапарадку), у лютым 2012 года створана маладзёжная добраахвотная дружына ў ГУ «Навагрудскі дзяржаўны сельскагаспадарчы прафесійны ліцэй ». Члены гэтых атрадаў з удзелам дырэктараў устаноў адукацыі, інспектараў ІСН ажыццяўляюць рэйды ў інтэрнатах ССНУ і ліцэя, а таксама рэйды па месцах правядзення дыскатэк, месцам грамадскага харчавання ў вячэрні час.

У якасці сродку прафесійнага самавызначэння і самарэалізацыі будучага творчага, сацыяльна актыўнага грамадзяніна, у раёне актыўна падтрымліваецца валанцёрскі рух, які мае некалькі вектараў дзейнасці: захаванне гісторыка-культурнай спадчыны, правядзенне дабрачынных акцый, аказанне дапамогі асобам, якія знаходзяцца ў сацыяльна неабароненым становішчы, рэалізацыя экалагічных праектаў.

Штогод вядзецца работа па прыцягненні і замацаванню (69.3% - у 2018 годзе) маладых спецыялістаў у раёне. У 2018 годзе ў раён прыбыло 140 маладых спецыяліста. Аддзеламі райвыканкама былі арганізаваны сустрэчы кіраўніцтва раёна з маладымі спецыялістамі. Штогод ажыццяўляецца маніторынг умоваў працы, забеспячэння жыллём і іншымі сацыяльнымі гарантыямі маладых спецыялістаў у адпаведнасці з дзеючым заканадаўствам Рэспублікі Беларусь.

Вядзецца работа па фарміраванні перспектыўнага кадравага рэзерву сярод моладзі. У райвыканкаме сфарміраваны перспектыўны кадравы рэзерв у складзе 18 найбольш перспектыўных работнікаў прадпрыемстваў, арганізацый і ўстаноў раёна ва ўзросце да 31 года, якія маюць лідэрскія і арганізатарскія якасці, здольных да кіраўніцкай дзейнасці.

Навучэнцы школ, каледжаў, ліцэя, працоўная моладзь становяцца актыўнымі ўдзельнікамі дабрачыннай дзейнасці. Прыкладам таму з'яўляецца стварэнне валанцёрскіх клубаў ва ўстановах адукацыі раёна, якія актыўна ўзаемадзейнічаюць з Навагрудскай гарадской арганізацыяй Беларускага таварыства Чырвонага Крыжа. Валанцёры аказваюць дапамогу дзецям-інвалідам, ветэранам вайны і працы, пажылым людзям, выхаванцам сацыяльнага прытулку, шэфствуюць над БСУ (бальніца сястрынскага догляду).

Самай распаўсюджанай формай правядзення вольнага часу моладзі з'яўляецца зносіны. Адпаведна, удзел у творчых праектах, надае моладзёжнай ініцыятыве і актыўнасці сацыяльна-пазітыўны характар, а самае галоўнае - дазваляе рацыянальна выкарыстоўваць вольны час.

Неад'емнай часткай сістэмы бесперапыннай адукацыі і выхавання моладзі ў Навагрудскім раёне, закліканай забяспечыць паўнавартасныя ўмовы для творчага, інтэлектуальнага і духоўна-маральнага развіцця з'яўляецца фізічная культура і спорт. Наша моладзь - актыўны ўдзельнік лёгкаатлетычных эстафет, турыстычных злётаў, спартакіяд сярод дапрызыўнай і прызыўной моладзі па зімовым і летнім шматбор'і “Абаронца Айчыны”, спаборніцтваў рознага ўзроўню. Патэнцыял у развіцці фізічнай культуры, спорту і турызму на Навагрудчыне велізарны. Нашым гонарам з'яўляюцца дзіцяча-юнацкія спартыўныя школы. Юныя спартсмены і знакамітыя майстры паказваюць годныя вынікі ў біятлоне, грэка-рымскай барацьбе, лёгкай атлетыцы, конным спорце на чэмпіянатах краіны, Еўропы, свету, Алімпійскіх гульнях. Далёка за межамі нашай краіны вядомы імёны навагрудчан: Антонавіч Сяргей - майстар спорту, член Нацыянальнай зборнай Рэспублікі Беларусь, прызёр міжнародных спаборніцтваў па конным спорце (канкур); Духоўнік Вольга - удзельніца першых дзіцячых Алімпійскіх гульняў у Сінгапуры; Грабовік Аляксандр - майстар спорту міжнароднага класа, член нацыянальнай зборнай Рэспублікі Беларусь (асноўны склад) па грэка-рымскай барацьбе. Прызёр і пераможца чэмпіянатаў Рэспублікі Беларусь, Еўропы і свету па грэка-рымскай барацьбе., Людміла Ананька - майстар спорту міжнароднага класа па біятлоне, пяціразовая чэмпіёнка свету па біятлоне, двойчы ўдзельніца Алімпійскіх гульняў.